تقرير عن دريك اند جوش

هو مسلسل أمريكي كوميدي .. يتناول قصة عائله أمريكيه في كاليفورنيا زي كل العائلات .. بس الحلو في ذي العائله إنها مركبه من خليط مجنون ..
تبدأ القصه لما أم دريك تتزوج أبو جوش بعد ما كانو متواعدين من سنتين ..
طبعا جوش ودريك بنفس المدرسه بس دريك يكره جوش لأنو دب وغبي شوي ..
فتكون الصدمه لما يتزوجو الآباء بالنسبه لدريك .. بس جوش مبسوط بالشغله طبعا بالإضافه لدريك وجوش والأم والأب لا ننسى واحده من أهم عوامل المسلسل ..
بؤرة الشر ميجان .. هذي البنت هي سبب تعاسة دريك وجوش بالحياه .. دايما تخيط لهم المكائد وتدبر لهم المصائد وتوقعهم في أحرج المواقف .. طبعا سنها لا يتجاوز الثامنه مع الموسم الأول .. وإلى الموسم الرابع لما يصير عمرها 15 وهي مازالت تحيك لهم المكائد .. في كمان أصدقاء دريك وجوش المقربين بالمدرسه إيريك وصاحبو .. وكمان مندي ألد أعداء جوش بالمسلسل والي بالموسم الثالث نتفاجأ إنها صارت الgirl friend لجوش .. وكمان رئيسة البريمير أو السينما .. شخصيه مره حلوه بالمسلسل وتموت على دريك رغم إن عمرها فوق 40 سنه .. وتكره جوش -_-
تقريبا هذي أهم الشخصيات الي بالمسلسل .. وكامل الأحداث تدور في البيت والمدرسه والسينما فقط .. ماعدا أحداث بسيطه في حلقات نادره في المستشفى والشارع ..
الحلقات جدا مشوقه رغم إنها تموت ضحك .. فيها شي غير المسلسلات الثانيه وتحس إن الي فيها يمثلو من قلب وكأنهم بالواقع هع .. طبعا المسلسل الموسم الأول لو قديم نوعا ما وتقريبا من عام 1998 بس آخر فيلم لو نزل عام 2008 ^^
شخصيا تابعتو من زمان بس إلى الآن أحب أشوفو رغم إني شفتو أكثر من 5 مرات .. هذا صديق الطفوله المفضل عندي وسيزال هع ..
هذا بالنسبه للمسلسل .. بالنسبه للأفلام فنزل لدريك أند جوش 3 أفلام فقط ..
الفيلم الأول يتناول أكبر مغامره في حاية جوش الي هي الذهاب لهولوود .. ودريك يحصل على أول وأكبر فرصه غنائيه أمام أكثر من 40 مليون مشاهده في قناتة MTV
كمان ميغان ودريك وجوش راح يبطلو عملة نصب كبيره وإستنساخ أموال ويساعدو الFBI
والفيلم الثاني قصتو عن الكريسمس الي دريك وعد إنو يكون أحلى كريسمس لعائلع فقيره من الأطفال اليتامى .. بنفس الوقت الي ينسجن فيه جوش مع أعتى المجرمين في سجن خاص .. بس حتتحور الأحداث في الأخير .. كيف !! شوفو الفيلم
تقييم شخصي للمسلسل 9 / 10
السن المناسب للمشاهده 16 وفوق .. لأن فيلو مشاهد مو حق أطفال
كان يعرض بقناة نيكليودن الأجنبيه وحاليا يعرض بنيكلودين العربيه بس وصلو اللموسم الثاني ولا عاد نزلو شي .. والأفلام ما عرضو منها شي ^^
الجوائز التي حاز عليها المسلسل
حاز على سبعة جوائز عالميه ومرشح للحصول على خمس جوائز أخرى
ناجح جدا ويتم عرضه في ثلاث قنوات تلفزيونيه ..


تقرير لأهم شخصيات المسلسل ..

Drake bell



ولد في 27 حزيران 1986
مغني وكاتب أغاني وممثل
من مقاطعة كالفورنيا
يلعب دور drake في المسلسل

Josh Peck << الأفضل والأروع بالمسلسل كامل ..



ولد في 10 نوفمبر 1986
ممثل وكوميدي ومؤخرا صار يغني
ولد في مدينة نيويورك وهو منها أصلا
يلعب دور Josh بالمسلسل

Miranda Cosgrove



من مواليد 14 مارس عاد 1993
ممثله ومغنيه
من لوس أنجلوس ولاية كالفورنيا
تلعب دور الاخت الصغرى بالمسلسل Megan

Jonathan Goldstein



مواليد 4 ديسمبر عام 1946
ممثل فقط
من ولاية نييورك
يلعب دور الأب بالمسلسل

Nancy Sullivan



مواليد 17 اكتوبر عام 1969
ممثله ومقدمة برامج
من الولايات المتحده الأمريكيه .. هذا الي مذكور بس مو مذكور من أي ولايه !!
تلعب بالمسلسل دور الأم

منقوووول